ಬೆಂಗಳೂರು ವಿಶ್ವವಿದ್ಯಾಲಯದ ಸಾಂಸ್ಥಿಕ ಅಭಿವೃದ್ಧಿ ಯೋಜನೆ (ಐಡಿಪಿ) ಆನ್ಲೈನ್ ಶಿಕ್ಷಣವನ್ನು ವಿಸ್ತರಿಸಲು ಮತ್ತು ಕಾಲೇಜು ವೇಳಾಪಟ್ಟಿಯನ್ನು ಪುನರ್ರಚಿಸಲು ಪ್ರಮುಖ ಶಿಫಾರಸುಗಳನ್ನು ಮಂಡಿಸಿದೆ. ಪ್ರೊ. ಅಶೋಕ್ ಹಂಜಗಿ ನೇತೃತ್ವದ ತಂಡವು, ವಿದ್ಯಾರ್ಥಿಗಳು ಅರೆಕಾಲಿಕ ಉದ್ಯೋಗ, ಸ್ಪರ್ಧಾತ್ಮಕ ಪರೀಕ್ಷೆಗಳ ತಯಾರಿ ಅಥವಾ ಹೆಚ್ಚುವರಿ ಕೋರ್ಸ್ಗಳಿಗೆ ಸಮಯ ಮೀಸಲಿಡಲು ಅನುಕೂಲವಾಗುವಂತೆ ತರಗತಿಗಳನ್ನು ಬೆಳಗ್ಗಿನ ಹೊತ್ತು ನಡೆಸಬೇಕೆಂದು ಸೂಚಿಸಿದೆ.
ವಿದ್ಯಾರ್ಥಿಗಳು ಭೌತಿಕವಾಗಿ ತರಗತಿಗೆ ಹಾಜರಾಗಲು ಸಾಧ್ಯವಾಗದ ಸಂದರ್ಭದಲ್ಲಿ ಆನ್ಲೈನ್ ಮೂಲಕ ಕಲಿಯಲು ಸಶಕ್ತ ವ್ಯವಸ್ಥೆಯನ್ನು ನಿರ್ಮಿಸಬೇಕೆಂದು ವರದಿ ಒತ್ತಾಯಿಸಿದೆ. ಜೊತೆಗೆ, ಆನ್ಲೈನ್ ಕಾರ್ಯಕ್ರಮಗಳ ನಿರ್ದೇಶನಾಲಯ ಸ್ಥಾಪಿಸುವ ಮೂಲಕ ವಿಶ್ವವಿದ್ಯಾಲಯದ ಆದಾಯ ಹೆಚ್ಚಿಸಿ, ಜಾಗತಿಕ ಮಟ್ಟದಲ್ಲಿ ಶೈಕ್ಷಣಿಕ ಪ್ರತಿಷ್ಠೆಯನ್ನು ಮತ್ತಷ್ಟು ಎತ್ತರಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ.
————————————–