ಇರಾನ್ ಮುಂದುವರಿದಿರುವ ಸಂಘರ್ಷವನ್ನು ಸಂಪೂರ್ಣವಾಗಿ ಅಂತ್ಯಗೊಳಿಸಲು ಖಚಿತ ಮತ್ತು ಶಾಶ್ವತ ಯುದ್ಧ ವಿರಾಮ (ceasefire) ಅನ್ನು ಬೇಡಿಕೆ ಮಾಡಿದ್ದು, ತಾತ್ಕಾಲಿಕ ಒಪ್ಪಂದಗಳನ್ನು ತಿರಸ್ಕರಿಸಿದೆ ಎಂದು ರಾಯಿಟರ್ಸ್ ಉಲ್ಲೇಖಿಸಿದ ಹಿರಿಯ ಇರಾನಿಯನ್ ಮೂಲವೊಂದು ತಿಳಿಸಿದೆ. ಪಾಕಿಸ್ತಾನ, ಟರ್ಕಿ ಮತ್ತು ಈಜಿಪ್ಟ್ ಮೊದಲಾದ ದೇಶಗಳ ಮಧ್ಯವರ್ತಿಗಳ ಮೂಲಕ ಇತ್ತೀಚೆಗೆ ಸಂಪರ್ಕ ಸಾಧಿಸಲಾಗಿದ್ದು, ಮಾತುಕತೆಗಳನ್ನು ಮುಂದುವರಿಸುವ ಪ್ರಯತ್ನಗಳು ನಡೆದಿವೆ. ಆದರೆ 48 ಗಂಟೆಗಳಂತಹ ತಾತ್ಕಾಲಿಕ ಯುದ್ಧ ವಿರಾಮದ ಪ್ರಸ್ತಾಪಗಳ ಬಗ್ಗೆ ಚರ್ಚಿಸಲು ಇರಾನ್ ಸಿದ್ಧವಿಲ್ಲ ಎಂದು ಮೂಲ ಸ್ಪಷ್ಟಪಡಿಸಿದೆ.
ಈ ಬೆಳವಣಿಗೆ ಪ್ರಾದೇಶಿಕ ಉದ್ವಿಗ್ನತೆ ಹೆಚ್ಚುತ್ತಿರುವ ಸಮಯದಲ್ಲಿ ನಡೆದಿದ್ದು, ಅಮೆರಿಕಾ ಬೆಂಬಲಿತ 48 ಗಂಟೆಗಳ ಯುದ್ಧ ವಿರಾಮದ ಪ್ರಸ್ತಾಪವನ್ನೂ ಇರಾನ್ ತನ್ನ ಪ್ರಸ್ತುತ ರೂಪದಲ್ಲಿ ಒಪ್ಪಿಕೊಳ್ಳಿಲ್ಲ. ದೀರ್ಘಕಾಲಿಕ ಭದ್ರತಾ ಭರವಸೆಗಳೊಂದಿಗೆ ಸಮಗ್ರ ಪರಿಹಾರವೇ ಅಗತ್ಯ ಎಂದು ಇರಾನ್ ಒತ್ತಿ ಹೇಳುತ್ತಿದ್ದು, ಯಾವುದೇ ಒಪ್ಪಂದವೂ ಕೇವಲ ತಾತ್ಕಾಲಿಕ ವಿರಾಮವಾಗದೇ, ಸಂಘರ್ಷದ ಮೂಲ ಕಾರಣಗಳನ್ನು ಪರಿಹರಿಸುವಂತಾಗಬೇಕು ಎಂಬ ಸಂದೇಶವನ್ನು ನೀಡಿದೆ.
ಮೂಲ: ರಾಯಿಟರ್ಸ್